Делси Родригес. Скриншот видео
ЗША рыхтуюць абвінаваўчы акт супраць часовай прэзідэнткі Венесуэлы Дэлсі Радрыгес. Пра гэта паведамляе Reuters са спасылкай на чатыры крыніцы.
Паводле іх інфармацыі, федэральныя пракуроры падрыхтавалі магчымыя абвінавачанні ў карупцыі і адмыванні грошай. Радрыгес таксама паведамілі, што ёй пагражае судовы пераслед, калі яна не будзе выконваць патрабаванні Трампа.
Дакумент дапрацоўваецца ў пракуратуры ў Маямі ўжо на працягу двух месяцаў. Абвінавачанні датычацца ўдзелу ў адмыванні сродкаў дзяржаўнай нафтавай кампаніі Венесуэлы PDVSA і ахопліваюць перыяд з 2021 па 2025 гады.
Мінюст ЗША адмовіўся каментаваць інфармацыю агенцтва, аднак намеснік генеральнага пракурора Тод Бланш напісаў у каментарыях да падкаста Reuters, што інфармацыя з’яўляецца ілжывай. Разам з тым агенцтва настойвае на яе дакладнасці.