ЗША і Кітай пагадзіліся, што Іран ніколі не зможа валодаць ядзернай зброяй. Пекін таксама выказаў гатоўнасць закупляць больш амерыканскай нафты. Пра гэта гаворыцца ў кароткім паведамленні Белага дома па выніках перамоваў прэзідэнта ЗША Дональда Трампа і старшыні КНР Сі Цзіньпіна.
У Белым доме назвалі сустрэчу паспяховай. Бакі абмяркоўвалі ўмацаванне эканамічнага супрацоўніцтва, уключаючы пашырэнне доступу амерыканскіх кампаній на кітайскі рынак і павелічэнне кітайскіх інвестыцый у эканоміку ЗША.
“Прэзідэнты таксама падкрэслілі неабходнасць далейшага прагрэсу ў спыненні паставак прэкурсораў фентанілу ў ЗША, а таксама павелічэння кітайскіх закупак амерыканскай сельскагаспадарчай прадукцыі.
Абодва бакі пагадзіліся з тым, што Армузскі праліў павінен заставацца адкрытым для забеспячэння свабоднага патоку энерганосьбітаў. Прэзідэнт Сі Цзіньпін таксама ясна даў зразумець, што Кітай выступае супраць мілітарызацыі праліва і любых спробаў спаганяць плату за яго выкарыстанне, і выказаў зацікаўленасць у закупцы большай колькасці амерыканскай нафты для зніжэння залежнасці Кітая ад праліва ў будучыні.
Абедзве краіны пагадзіліся з тым, што Іран ніколі не зможа валодаць ядзернай зброяй”, — гаворыцца ў паведамленні.
