ЗША абвяргаюць паражэнне амерыканскага карабля ў Армузскім праліве

Рэдакцыя Reform.news · 4 мая 2026, 14:16

https://reform.news/be/zsha-abvjargajuc-parazhjenne-amerykanskaga-karablja-armuzskim-pralive/

Цэнтральнае камандаванне ЗША, адказнае за аперацыі на Блізкім Усходзе, абвергла паведамленне іранскага агенцтва FARS пра паражэнне амерыканскага карабля ў Армузскім праліве.

“Ніводзін карабель ВМС ЗША не быў паражаны. Амерыканскія сілы падтрымліваюць праект «Свабода» і забяспечваюць ваенна-марскую блакаду іранскіх партоў”, – гаворыцца ў кароткай заяве.

Раней іранскае агенцтва FARS распаўсюдзіла інфармацыю са спасылкай на КСІР пра паражэнне амерыканскага карабля дзвюма ракетамі, з-за чаго ён не змог працягнуць рух і быў вымушаны разгарнуцца.

Нагадаем, прэзідэнт ЗША Дональд Трамп абвясціў пра ваенна-марское суправаджэнне гандлёвых суднаў, якія затрымаліся ў Персідскім заліве з-за блакіроўкі Армузскага праліва. У адказ на гэта ў Іране заявілі, што праз праліў прайсці без дазволу Тэгерана нельга.