Прэзідэнт Украіны Уладзімір Зяленскі пагутарыў з беларускімі палітвязнямі, якія былі вызваленыя і высланыя ва Украіну ў суботу.
“Сёння раніцай пагутарыў з вызваленымі палітычнымі зняволенымі з Беларусі. Вельмі цаню добрыя словы пра Украіну і ўкраінцаў і выразную, прынцыповую пазіцыю адносна расійскай агрэсіі. Гэта важна. Украіна і надалей будзе дапамагаць усім, хто дапамагае нам абараняць незалежнасць і жыцці людзей”, — заявіў па выніках размовы Зяленскі.
На здымку, апублікаваным прэс-службай украінскага прэзідэнта, відаць, што ў размове па відэасувязі прынялі ўдзел Віктар Бабарыка, Аляксандр Фядута, Марына Золатава, Марыя Калеснікава, Максім Знак і Уладзімір Лабковіч.
Бабарыка заявіў, што акты агрэсіі супраць суверэннай дзяржавы і грубыя парушэнні міжнароднага права абсалютна непрымальныя ў сучасным свеце. «Па яго словах, у дадзеным выпадку гаворка ідзе пра капрыз абмежаванай колькасці людзей, надзеленых уладай і жадаючых утрымаць яе любой цаной, наступствы якога разбураюць давер паміж нашымі краінамі і наносяць шкоду бяспецы ўсяго рэгіёна», — паведамляе тэлеграм-канал каманды Бабарыкі.
Калеснікава адзначыла, што цалкам падтрымлівае Украіну ў яе барацьбе за свабоду і суверэнітэт.
