Заробкі бюджэтнікаў выраслі ў лістападзе

Сярэдняя намінальная налічаная зарплата бюджэтнікаў у лістападзе склала 2072,8 рубля да выплаты падаткаў. Яна вырасла ў параўнанні з кастрычнікам на 0,2%, або на 12 рублёў.

Рэальная сярэдняя зарплата ў студзені—лістападзе 2025 года ў бюджэтным сектары павялічылася на 11,4%. Такія даныя апублікаваў Белстат.

У лістападзе суадносіны зарплаты ў бюджэтных арганізацыях і сярэдняй па краіне склалі 76,7%.

Лістападаўская сярэдняя зарплата ў бюджэтнікаў склала:

• у дзяржаўным кіраванні — 3119,7 рубля (−203,4 рубля да папярэдняга месяца),
• у настаўнікаў — 2537,6 рубля (+6,7 рубля),
• у выхавацеляў дашкольнай адукацыі — 1768,8 рубля (+15,5 рубля),
• у прафесарска-выкладчыцкага складу — 3083,7 рубля (+52,6 рубля),
• ва ўрачоў — 4012 рублёў (+22,6 рубля),
• у сярэдняга медыцынскага персаналу — 2124,8 рубля (+56,5 рубля).