Фото: НАБУ
Нацыянальнае антыкарупцыйнае бюро Украіны і Спецыялізаваная антыкарупцыйная пракуратура паведамілі пра правядзенне спецыяльнай аперацыі.
Яна праводзіцца з мэтай раскрыцця “злачыннай арганізацыі, якая дзейнічала пад кіраўніцтвам дзейнага і былога народных дэпутатаў Украіны, з удзелам высокапастаўленых службовых асоб Офіса прэзідэнта Украіны і іншых асоб”.
Дэталі абяцаюць паведаміць пазней.
Сёлета Украіна перажыла некалькі гучных карупцыйных скандалаў. Найбольш буйным стала раскрыццё карупцыйнай схемы ў энергетыцы, так званая Аперацыя «Мідас», справа, да якой аказаўся датычны і былы кіраўнік Офіса прэзідэнта Андрэй Ярмак. У маі яму было прад’яўлена абвінавачанне ў адмыванні грошай.