З наступнага года індывідуальныя прадпрымальнікі ў Беларусі не змогуць займацца выдавецкай дзейнасцю

Рэдакцыя Reform.news · 23 снежня 2025, 15:44

https://reform.news/be/z-nastupnaga-goda-indyvidualnyja-pradprymalniki-belarusi-ne-zmoguc-zajmacca-vydaveckaj-dzejnascju/

Індывідуальныя прадпрымальнікі ў Беларусі з 1 студзеня 2026 года больш не змогуць займацца выдавецкай дзейнасцю. Пра гэта паведаміла Міністэрства інфармацыі.

ІП, якія цяпер зарэгістраваныя ў якасці выдаўцоў у Дзяржаўным рэестры, да 31 снежня бягучага года могуць бясплатна замяніць пасведчанне аб дзяржрэгістрацыі выдаўца. Для гэтага неабходна зарэгістраваць кампанію – гаворка ідзе аб спрошчанай працэдуры, пры якой індывідуальны прадпрымальнік трансфармуецца ў юрыдычную асобу.

Таксама з наступнага года прадаваць друкаваныя выданні можна будзе толькі ў розніцу.

Калі ж ІП займаецца аптовымі продажамі друкаванай прадукцыі і не скарыстаецца льготнай схемай рэгістрацыі юрыдычнай асобы, яму патрэбна будзе накіраваць у Міністэрства інфармацыі адпаведнае апавяшчэнне аб унясенні змяненняў у Дзяржаўны рэестр.

Падпісвайцеся на культурныя навіны Reform.news у Telegram