Фото: Минобороны
Вайскоўцы Беларусі і Мʼянмы хочуць інтэнсіфікаваць кантакты. Пра гэта паведамілі ў прэс-службе Міністэрства абароны па выніках сустрэчы беларускай дэлегацыі на чале з начальнікам Дэпартамента міжнароднага ваеннага супрацоўніцтва Валерыем Рэвенкам з мʼянманскім візаві Хкайн Лінам.
“Бакі падвялі вынікі сумеснай працы за 2025 год і ўзгаднілі пералік мерапрыемстваў, запланаваных да рэалізацыі ў бліжэйшай перспектыве. Па выніках сустрэчы выказаная ўзаемная зацікаўленасць у падтрымцы дыялогу і інтэнсіфікацыі кантактаў у ваеннай сферы на ўсіх узроўнях”, — гаворыцца ў паведамленні.
Таксама Рэвенка абмеркаваў пытанні эканамічнага характару з генерал-лейтэнантам Зо Мʼё Цінам, які займае пасаду генерал-кватэрмайстра Узброеных Сіл Мʼянмы.