Савет Міністраў пастановай № 5 ад 5 студзеня прыняў рашэнне стварыць Міжведамасны экспертна-каардынацыйны савет па турызме. Дакумент сёння апублікаваны на Нацыянальным прававым інтэрнэт-партале.
Савет будзе складацца з прадстаўнікоў дзяржаўных органаў, грамадскіх арганізацый, асацыяцый і саюзаў. Сярод яго паўнамоцтваў — права ўносіць на разгляд Савета Міністраў прапановы па развіцці турызму, выпрацоўваць прапановы па пытаннях развіцця турызму і г.д. Пасяджэнні будуць праводзіцца не радзей чым адзін раз на паўгода.
Узначальваць савет будзе першы віцэ-прэм’ер, яго намеснікам будзе дырэктар Нацыянальнага агенцтва па турызме. Таксама ў савет увайдуць прадстаўнікі Кіраўніцтва справамі прэзідэнта, Белстата, Мінпрыроды, МАРГ, Мінтранса, Мінэканомікі, Дзяржкаммаёмасці, шэрагу банкаў, Рэспубліканскага саюза турыстычнай індустрыі.
Пастановай таксама ўносяцца змяненні ў нарматыўныя прававыя акты, якія адлюстроўваюць новы статус Нацыянальнага агенцтва па турызме, якое стала самастойным органам, што рэгулюе адносіны ў гэтай сферы і падпарадкоўваецца Савету Міністраў, а не Мінспорту.