У спіс «экстрэмістаў» у Беларусі ўключылі яшчэ аднаго грамадзяніна Украіны

Рэдакцыя Reform.news · 24 ліпеня 2026, 12:05

https://reform.news/be/u-spis-jekstrjemista-u-belarusi-kljuchyli-jashchje-adnago-gramadzjanina-ukrainy/

МУС уключыла ў «Пералік грамадзян Рэспублікі Беларусь, замежных грамадзян або асоб без грамадзянства, датычных да экстрэмісцкай дзейнасці», яшчэ 12 чалавек.

Сярод уключаных у спіс — 25-гадовы грамадзянін Украіны, палітвязень Віктар Келер з Мазыра Гомельскай вобласці. Паводле інфармацыі МУС, у дачыненні да яго ўступіў у законную сілу прысуд Гомельскага абласнога суда паводле ч. 1, 2 арт. 361-4 Крымінальнага кодэкса Беларусі аб «садзейнічанні экстрэмісцкай дзейнасці». Пазначана, што Келер адбывае пакаранне. Паводле даных праваабарончага цэнтра «Вясна», у студзені мінулага года ён быў затрыманы па «справе Гаюна».

«Беларускі Гаюн» — маніторынгавы OSINT-праект, які адсочваў вайсковую актыўнасць расійскіх і беларускіх войскаў. Маніторынгавая група была створаная перад пачаткам расійска-ўкраінскай вайны актывістам Антонам Матолькам. На пачатку лютага 2025 года сілавікі атрымалі доступ да чата з ботам праекта. Пасля гэтага праект абвясціў аб спыненні працы.

Цяпер у «экстрэмісцкім» спісе 6806 прозвішчаў.

Беларускія ўлады рэгулярна выкарыстоўваюць абвінавачанні ў экстрэмізме для барацьбы з палітычнымі апанентамі і іншадумствам у цэлым.