У Расіі ўзбуджаная крымінальная справа аб тэракце ў сувязі з ударам па аўтобусе з беларускімі дзецьмі

Рэдакцыя Reform.news · 17 чэрвеня 2026, 13:14

https://reform.news/be/u-rasii-zbudzhanaja-kryminalnaja-sprava-ab-tjerakce-suvjazi-z-udaram-pa-a-tobuse-z-belaruskimi-dzecmi/

Следчы камітэт Расіі узбудзіў крымінальную справу паводле артыкула аб тэракце ў сувязі з ударам дрона па аўтобусе з беларускай дзіцячай футбольнай камандай ў Бранскай вобласці РФ.

СК сцвярджае, што ўдар па пасажырскім аўтобусе быў нанесены ўкраінскім дронам.

Паводле папярэдніх даных, аўтобус з 44 пасажырамі, сярод якіх 28 дзяцей-спартсменаў, ехаў у Геленджык. Адна жанчына загінула. Шэсць чалавек, у тым ліку чацвёра дзяцей, атрымалі раненні.

«Паводле даных следства, 17 чэрвеня на трасе А240 у Бранскай вобласці ўкраінскімі ўзброенымі фармаваннямі была здзейсненая атака ўдарным БПЛА па двухпавярховым аўтобусе дзіцяча-юнацкай спартыўнай школы № 2 горада Рэчыцы.

У транспартным сродку, які рухаўся з Рэспублікі Беларусь па маршруце «Гомель — Геленджык», знаходзіліся 44 пасажыры, з іх 28 дзяцей-спартсменаў. Усе яны накіроўваліся на адпачынак. Паводле папярэдніх даных, загінула жанчына, 6 чалавек атрымалі раненні, яны шпіталізаваныя. Інфармацыя пра пацярпелых удакладняецца», — паведамляе СК РФ.