У Расіі аператараў дата-цэнтраў абавязалі рэзерваваць магутнасці

Рэдакцыя Reform.news · 3 лістапада 2026, 08:45

https://reform.news/be/u-rasii-aperatara-data-cjentra-abavjazali-rjezervavac-magutnasci/

Прэзідэнт РФ Уладзімір Пуцін падпісаў указ, які абавязвае ўладальнікаў дата-цэнтраў, размешчаных у краіне, на працягу 10 дзён зарэзерваваць 10% наяўных плошчаў і магутнасцяў.

Выключэнне зроблена для цэнтраў, якія належаць органам улады, дзяржаўным і муніцыпальным прадпрыемствам і ўстановам. Ва ўказе прапісана, што мера ўводзіцца ў адказ на «недружалюбныя дзеянні некаторых замежных дзяржаў».

Уладальнікі дата-цэнтраў могуць выкарыстоўваць зарэзерваваныя магутнасці, але паводле рашэння ўрадавай падкамісіі яны павінны будуць прадаставіць іх на працягу сутак па тарыфах, якія ўстановіць гэтая ж падкамісія. Яна таксама зможа дазваляць часовае выкарыстанне вылічальных магутнасцяў за межамі Расіі, калі рашэнне ўзгоднена з ФСБ.

Нагадаем, у пачатку кастрычніка УСУ атакавалі тры буйныя дата-цэнтры “Яндэкса”, што прывяло да збояў у працы сэрвісаў. Пазней атацы падвергся дата-цэнтр “Сбера”.