Скриншот видео
У Мінгарвыканкаме паабяцалі, што на працягу пары гадзін тэмпература цепланосьбіта будзе адноўлена да нарматыўных значэнняў. Пашкоджанне на цеплатрасе, якое адбылося раніцай, ужо лакалізавана.
«Сёння раніцай на цепламагiстралі нумар №41 ад ЦЭЦ-4 адбыўся парыў. На дадзены момант ажыццяўляецца пераход на рэзервовыя крыніцы цеплазабеспячэння і павышаецца тэмпература. Пашкоджанні лакалізаваны, спецыялісты разбіраюцца ў прычынах адключэння», — цытуе БелТА намесніка начальніка ўпраўлення — начальніка аддзела энергетыкі ўпраўлення гарадской гаспадаркі і энергетыкі Мінгарвыканкама Андрэя Садоўскага.
Паводле яго слоў, у першую чаргу павышаная нагрузка на трубаправоды звязаная з высокай тэмпературай цепланосьбіта і нізкімі тэмпературамі вонкавага паветра.
«Паводле папярэдніх ацэнак, на працягу пары гадзін тэмпература цепланосьбіта ў цепласетках будзе павышана да нарматыўнага значэння. Праблема будзе ліквідаваная», — дадаў ён.
Раней «Мінскэнерга» паведаміла аб аварыі на цепламагiстралі і папярэдзіла, што тэмпература цепланосьбіта можа зніжацца ў спажыўцоў адразу ў пяці раёнах Мінска.