Фото: VSAT
У Літве канстатавалі паляпшэнне сітуацыі з метэазондамі кантрабандыстаў. Пра гэта заявіў дарадца прэзідэнта краіны па нацыянальнай бяспецы Дэйвідас Матулёніс, перадае BNS.
«Пакуль мы не можам са стопрацэнтнай упэўненасцю сказаць, што гэта ўстойлівы працэс і што паветраных шароў у аэрапорце больш не будзе, давайце пачакаем яшчэ крыху, але сітуацыя значна палепшылася», — сказаў ён.
Матулёніс лічыць, што гэта можа быць звязана з некалькімі прычынамі: ад больш актыўнай працы літоўскіх праваахоўных органаў па спыненні кантрабанды да ўмоў надвор’я і перамоваў, якія адбыліся паміж спецпасланнікам ЗША Джонам Коўлам і Аляксандрам Лукашэнкам у Мінску.