Европейский союз. Брюссель. Фото: reform.news
Прадстаўнікі краін Еўрапейскага саюза пры Радзе ЕС узгаднілі пашырэнне санкцый супраць Беларусі ў адказ на залёты метэазондаў кантрабандыстаў у Літву. Пра гэта паведаміў журналіст RFE/RL Рыкард Ёзвяк. Фармальнае зацвярджэнне санкцый адбудзецца на наступным тыдні.
Як пісала RFE/RL напярэдадні, у ЕС разглядаецца новы санкцыйны рэжым, які прадугледжвае санкцыі за парушэнне межаў, паветранай прасторы і іншыя гібрыдныя атакі. Таксама Літва выступала з прапановамі аб забароне імпарту азотных угнаенняў, рапсавага алею з Беларусі, абмежаванні аперацый з 10 банкамі. Якое менавіта рашэнне ўзгоднена сёння, не ўдакладняецца.
Акрамя таго, паслы краін ЕС сёння ўзгаднілі і дадатковыя санкцыі супраць Расіі. Паводле інфармацыі Рыкарда Ёзвяка, у санкцыйныя спісы дададуць 9 фізічных і юрыдычных асоб, якія аказваюць паслугі «ценявому флоту», яшчэ 42 судны «ценявага флоту». Таксама пад санкцыі патрапяць 12 фізічных і 2 юрыдычныя асобы, датычныя да дэстабілізацыі ЕС. Ідзе гаворка пра афіцэраў ГРУ, членаў клуба «Валдай», прадстаўнікоў ЗША, Францыі і Швейцарыі, якія працуюць на Расію.