Фото: Reform.by
У Беларусі адзначаецца рост попыту на аўтамабільнае паліва. Ён носіць сезонны характар. Пра гэта ў эфіры СТБ расказаў начальнік упраўлення забеспячэння вуглевадароднай сыравінай і рэалізацыі прадукцыі цэнтральнага апарата «Беларуснафты» Валерый Атрошчанка.
«Рост спажывання на заправачных станцыях. Гэта звычайны сезонны попыт, традыцыйны. Мы да гэтага попыту гатовыя. Там, дзе на пэўных заправачных станцыях узрастае аб’ём спажывання, адпаведна, своечасова завозіцца паліва на гэтыя аб’екты, каб забяспечыць бесперабойнае забеспячэнне палівам нашых кліентаў.
Шмат прыязджае суседзяў у нашу краіну, у тым ліку і на заправачныя станцыі. На сённяшні дзень ніякіх абмежаванняў, ніякіх лімітаў на прыгранічных заправачных станцыях або іншых аб’ектах няма. Сёння паліва ў свабодным доступе ў неабходнай колькасці.
Узнікае попыт на некаторыя віды нафтапрадуктаў. Але гэты попыт кантралюемы, і на заправачных станцыях дастатковая колькасць паліва, каб забяспечыць дадзены попыт. Ажыятажнага попыту няма. Гэта звязана з сезонам», — сказаў ён.
Паводле яго слоў, пастаўкі паліва на АЗС ідуць рытмічна. Паліва дастаткова. Усе заяўкі выконваюцца НПЗ паводле графіка.
«Адпаведна, на ўсіх аб’ектах нашых прадпрыемстваў (заправачныя станцыі, склады захоўвання нафтапрадуктаў) паліва ў дастатковай колькасці.
Асноўная доля рэалізацыі прыпадае на дызельнае паліва. Гэта каля 55%. 40% — аўтабензіны і 5% — аўтамабільны прапан-бутан. Вытворчасць нашага беларускага газаперапрацоўчага завода. Цяпер назіраецца тэндэнцыя зніжэння спажывання 92-га бензіну (каля 6%) і росту аб’ёмаў спажывання 95-га бензіну, адпаведна, на 10%», — дадаў ён.