Дональд Трамп. Official White House Photo by Daniel Torok
Прэзідэнт ЗША Дональд Трамп выказаўся наконт нядаўняга абмену на беларуска-польскай мяжы паводле формулы 5 на 5. Ён адзначыў, што выканаў просьбу прэзідэнта Польшчы Караля Наўроцкага пра вызваленне Анджэя Пачобута. У паведамленні згадваецца і Аляксандр Лукашэнка.
«Мы толькі што дамагліся вызвалення трох польскіх і двух малдаўскіх зняволеных з беларускага і расійскага зняволення. Дзякуючы майму спецыяльнаму пасланніку прэзідэнта Джону Коўлу нам удалося аказаць сур’ёзны ціск, каб дамагчыся гэтага вызвалення.
Мой сябар, прэзідэнт Польшчы Караль Наўроцкі, сустрэўся са мной у верасні мінулага года і папрасіў мяне дапамагчы дамагчыся вызвалення Анджэя Пачобута з беларускай турмы. Сёння Пачобут вольны дзякуючы нашым намаганням. Злучаныя Штаты выконваюць абавязацельствы перад сваімі саюзнікамі і сябрамі. Дзякуй прэзідэнту Аляксандру Лукашэнку за яго супрацоўніцтва і сяброўства. Вельмі прыемна!» — напісаў прэзідэнт ЗША ў сваім блогу ў сетцы Truth Social.
Абмен адбыўся 28 красавіка 2026 года. У рамках абмену затрыманымі ў Польшчу быў вывезены журналіст Анджэй Пачобут. Аперацыю непасрэдна правялі КДБ Беларусі і Агенцтва разведкі Польшчы.