Фото: БГТРК
Міністр замежных спраў Беларусі Максім Рыжанкоў заявіў, што ўсе пытанні па польскіх умовах знятыя. Цяпер «мяч на польскім баку».
«Яны шмат казалі, што ў іх ёсць нейкія ўмовы. Так склалася, што ўсе пытанні знятыя сёння. Калі ласка, мы гатовыя да правядзення кансультацый з польскім бокам на ўзроўні намеснікаў міністраў, на іншым узроўні — нейкага ўпаўнаважанага і гэтак далей. Каб для пачатку адпрацаваць увесь комплекс адносін. Хтосьці павінен сесці і зрабіць дакладны разбор палётаў, дзе ж мы сёння з польскім бокам знаходзімся, па ўсім коле адносін. Я думаю, што гэта павінны зрабіць МЗС», — сказаў ён.
Паводле яго слоў, польскім суседзям варта праявіць сябе, напрыклад, у сферы транспарту і лагістыкі.
«Я б нашым польскім суседзям даў час сябе праявіць. У нас задач вельмі шмат і магчымасцяў вельмі шмат. Калі нам удасца адпрацаваць узаемныя транспартна-лагістычныя механізмы, ад гэтага толькі выйграюць абодва бакі. Калі мы знойдзем развязкі па нейкіх гандлёва-эканамічных пытаннях, прыгранічным супрацоўніцтве (слухайце, чыгунка не працуе, самалёты не лётаюць, шэраг пунктаў пропуску застаецца закрытым, чэргі шалёныя), то, вядома, варта чакаць інтэнсіфікацыі кантактаў», — дадаў ён.
Трэба адзначыць, што нядаўна быў праведзены абмен 5х5, у выніку якога былі вызваленыя Анджэй Пачобут і два польскія грамадзяніны. Акрамя таго, цягам апошніх месяцаў практычна не назіраецца спробаў мігрантаў парушыць мяжу Польшчы з беларускага боку.