Прэзідэнт ЗША Дональд Трамп, выступаючы на з’ездзе Рэспубліканскай партыі перад прамежкавымі выбарамі ў Кангрэс, якія адбудуцца ў лістападзе, паабяцаў грамадзянам краіны выплаціць “дывідэнды” ў выпадку перамогі.
«Калі рэспубліканцы заваююць большасць у Палаце прадстаўнікоў і Сенаце ЗША, то ў абодвух выпадках… дзякуючы нашай велізарнай сіле і эканамічным поспехам я выплачу дывідэнды ў памеры 5 тыс. долараў кожнаму паўналетняму грамадзяніну Злучаных Штатаў Амерыкі», – сказаў ён.
Трамп не ўдакладніў, як будуць выплачвацца гэтыя “дывідэнды” і за чый кошт.
Акрамя выплат, ён таксама паабяцаў у выпадку перамогі зрабіць уведзеныя ім падатковыя льготы пастаяннымі, прыняць “Вялікі план аховы здароўя”, знізіць камісіі за выкарыстанне крэдытных карт, прыняць закон для захавання мяжы закрытай для нелегальнай іміграцыі, увесці смяротнае пакаранне для буйных наркагандляроў.
