Official White House Photo by Daniel Torok
Прэзідэнт ЗША Дональд Трамп назваў украінскага прэзідэнта Уладзіміра Зяленскага перашкодай да заключэння мірнага пагаднення паміж Украінай і РФ. Паводле яго слоў, Масква больш гатовая да пагаднення, чым Кіеў.
“Я думаю, ён гатовы заключыць здзелку. Я думаю, Украіна менш гатовая да здзелкі”, — сказаў Трамп Reuters пра Уладзіміра Пуціна.
На пытанне, чаму перамовы да гэтага часу не прывялі да спынення вайны, Трамп адказаў: “Зяленскі”.
«Я проста думаю, што яму, ведаеце, складана да гэтага падысці», — сказаў прэзідэнт ЗША ў адказ на ўдакладняльнае пытанне, чаму ён лічыць Зяленскага перашкодай да заключэння міру.
Разам з тым Трамп заявіў, што гатовы сустрэцца з прэзідэнтам Украіны на эканамічным форуме ў Давосе, які адбудзецца на наступным тыдні, аднак канкрэтных планаў няма.
Трамп таксама адзначыў, што яму нічога не вядома аб магчымай хуткай паездцы спецпасланніка Стыва Уіткафа і Джарэда Кушнера ў Маскву, пра якую напярэдадні пісалі СМІ.