Official White House Photo by Daniel Torok
Прэзідэнт ЗША Дональд Трамп падпісаў указ, якім абвясціў «незаконны фентаніл і яго асноўны прэкурсор зброяй масавага знішчэння».
Указам прадпісана генеральнаму пракурору неадкладна распачынаць крымінальныя справы, узмацняць пакаранні і змяняць прысуды па справах аб незаконным абароце фентанілу.
Дзяржсакратар і міністр фінансаў павінны прыняць адпаведныя меры ў дачыненні да актываў і фінансавых устаноў, датычных да вытворчасці, распаўсюджвання і продажу незаконнага фентанілу і яго асноўных прэкурсораў.
Дакумент таксама прадугледжвае магчымасць прыцягнення вайскоўцаў для забеспячэння нацыянальнай бяспекі ў надзвычайнай сітуацыі, звязанай з ужываннем зброі масавага знішчэння.
Пентагон павінен будзе абнавіць дырэктывы, што тычацца рэагавання на хімічныя інцыдэнты, і ўключыць у іх пагрозу фентанілу.
Міністру ўнутранай бяспекі прадпісана выяўляць сеткі кантрабанды фентанілу, выкарыстоўваючы выведвальныя даныя аб пагрозах, звязаных са ЗМЗ.