Тона шклопакетаў упала на рабочага ў Гродзенскім раёне

Рэдакцыя Reform.news · 14 мая 2026, 09:27

https://reform.news/be/tona-shklopaketa-upala-na-rabochaga-grodzenskim-rajone/

Следчы камітэт праводзіць праверку па факце гібелі рабочага ў аграгарадку Парэчча Гродзенскага раёна.

Як паведамілі ў СК, 64-гадовы мужчына працаваў на рэканструкцыі аб’екта. На яго ўпалі шклопакеты вагой больш за тону з паддона, усталяванага на перакрыцці паміж першым і другім паверхамі.

Мужчына памёр ад атрыманых траўмаў у бальніцы.

На месцы здарэння працавала следча-аператыўная група. Следчым праведзены агляд, зафіксавана следавая карціна, апытаныя відавочцы, канфіскавана дакументацыя, прызначаны шэраг экспертных даследаванняў.