Telegram-канал Reform.news «Культурны фронт» прызналі «экстрэмісцкім»
Рэдакцыя Reform.news · 10 студзеня 2026, 11:46
https://reform.news/be/telegram-kanal-reform-news-kulturny-front-pryznali-jekstrjemisckim/Міністэрства інфармацыі абнавіла «Рэспубліканскі спіс экстрэмісцкіх матэрыялаў». Сярод іншага, у яго ўключылі Telegram-каналы “Reform.news :: Культурны фронт” і “Reform.nеws :: Самае цікавае”. Адпаведнае рашэнне прыняў 5 студзеня 2026 года суд Пінскага раёна і горада Пінска Брэсцкай вобласці.
“Культурны фронт” — гэта праект нашай рэдакцыі пра тое, што адбываецца з беларускай культурай унутры краіны і за яе межамі.
Таксама ў пералік трапілі:
- Telegram-канал «Rodnaja historyja»;
- Instagram-старонкі «belultras», «telebudkaby», «euro3a», YouTube-канал «Тэлебудка»;
- старонка ва «ВКонтакте» «Про Инфо»;
- старонка ў TikTok «belarusnovosti2».
Нагадаем, беларускія ўлады рэгулярна выкарыстоўваюць абвінавачанні ў экстрэмізме для барацьбы з палітычнымі апанентамі і іншадумствам у цэлым.