Сведка Іеговы з Расіі прасіў прытулку ў Беларусі, але яго выдалі на радзіму

Рэдакцыя Reform.news · 18 жніўня 2026, 22:16

https://reform.news/be/svedka-iegovy-z-rasii-prasi-prytulku-belarusi-ale-jago-vydali-na-radzimu/

Беларусь упершыню экстрадзіравала ў Расію паслядоўніка «Сведкаў Іеговы», якога пераследавалі на радзіме за веравызнанне, паведамляе «Хрысціянская візія» са спасылкай на праваабарончую арганізацыю Forum 18.

Выдача адбылася ў канцы 2025 года. Да гэтага расіянін прасіў прытулку ў Беларусі, але атрымаў адмову. Яго скаргі таксама былі адхіленыя.

У Расіі «Сведкі Іеговы» прызнаныя «экстрэмісцкай арганізацыяй», у дачыненні да мужчыны была распачатая крымінальная справа.

Гэта першы вядомы выпадак такой экстрадыцыі. Раней Беларусь адмаўлялася выдаваць Расіі паслядоўнікаў «Сведкаў Іеговы»: у 2020 годзе быў вызвалены з віцебскага СІЗА Мікалай Махалічаў, а ў 2021-м з брэсцкага — Алег Ланшакоў.