Суверэнная, дэмакратычная Беларусь патрэбная для доўгатэрміновай бяспекі – Ціханоўская

Рэдакцыя Reform.news · 15 верасня 2026, 11:30

https://reform.news/be/suverjennaja-djemakratychnaja-belarus-patrjebnaja-dlja-do-gatjerminovaj-bjaspeki-cihano-skaja/

Суверэнная, дэмакратычная Беларусь з’яўляецца ўмовай для забеспячэння доўгатэрміновай бяспекі. Так Святлана Ціханоўская пракаментавала ў Х збіццё беспілотніка ў Літве.

“Мінулай ноччу знішчальнікі НАТА збілі беспілотнік, які ўвайшоў у паветраную прастору Літвы з боку Беларусі.

Мы не прымаем ператварэння нашай краіны ў крыніцу пагрозы для Еўропы.

Для забеспячэння доўгатэрміновай бяспекі неабходная суверэнная, дэмакратычная Беларусь, чыя тэрыторыя ніколі не будзе выкарыстоўвацца супраць суседзяў”, – напісала яна.

Нагадаем, беспілотнік, які, як мяркуецца, ляцеў з боку Беларусі, сёння ноччу, неўзабаве пасля поўначы, быў збіты пад Каўнасам знішчальнікамі НАТА, паднятымі па трывозе. Гэта першы выпадак паражэння БПЛА ў літоўскім небе. Раней беспілотнікі ўжо збівалі ў паветранай прасторы Латвіі і Эстоніі.