Спыненыя чатыры дамовы з Еўрапейскім інвестыцыйным банкам. Адпаведны ўказ №461 ад 30 снежня сёння апублікаваны на Нацыянальным прававым інтэрнэт-партале.
У дакуменце гаворыцца, што Еўрапейскі інвестыцыйны банк парушыў умовы заключаных з ім дамоваў. Нагадаем, ЕІБ прыпыніў працу ў Беларусі пасля жорсткага падаўлення пратэстаў у 2020 годзе.
Спыненыя наступныя дамовы:
- Дамова аб фінансаванні (праект «Рэканструкцыя Мінскай ачышчальнай станцыі») паміж Рэспублікай Беларусь і Еўрапейскім інвестыцыйным банкам, падпісаная ў г. Мінску 20 лістапада 2018 года;
- Дамова аб фінансаванні (праект «Транспартнае злучэнне Беларусі») паміж Рэспублікай Беларусь і Еўрапейскім інвестыцыйным банкам, падпісаная ў г. Мінску 24 ліпеня 2019 года;
- Дамова аб фінансаванні (мадэрнізацыя камунальных паслуг у Беларусі) паміж Рэспублікай Беларусь і Еўрапейскім інвестыцыйным банкам, падпісаная ў г. Мінску 24 ліпеня 2019 года;
- Дамова аб фінансаванні (пашырэнне ўстойлівага энергаспажывання ў Беларусі) паміж Рэспублікай Беларусь і Еўрапейскім інвестыцыйным банкам, падпісаная ў г. Лондане 22 лістапада 2019 года
Указам таксама ўносяцца змяненні ў прававыя акты, якімі былі вызначаныя ўмовы рэалізацыі крэдытных пагадненняў з ЕБРР і Паўночным інвестыцыйным банкам. Яны датычацца выкарыстання сродкаў, выканання гарантый, а таксама ільгот, прадастаўленых беларускім прадпрыемствам, у адпаведнасці з дамовамі.
🔥
Падтрымайце Reform.news данатам!