Снапкоў расказаў пра непрофільныя праекты Нежынскага ГАК

Рэдакцыя Reform.news · 2 лістапада 2026, 13:05

https://reform.news/be/snapko-raskaza-pra-neprofilnyja-praekty-nezhynskaga-gak/

ААТ “Нетры Нежын”, якое будуе і эксплуатуе Нежынскі ГАК, ужо траціць грошы на непрофільныя праекты. Пра гэта пасля нарады ў Аляксандра Лукашэнкі расказаў першы віцэ-прэм’ер Мікалай Снапкоў. Паводле яго слоў, прадпрыемства гатова аказваць садзейнічанне развіццю Любанскага раёна, дзе яно знаходзіцца.

“Прадпрыемства гатова аказаць усялякае садзейнічанне, у тым ліку фінансавае, у тым ліку ў рамках астатку па кітайскай крэдытнай лініі Дзяржаўнага банка развіцця Кітая на любыя праекты, якія Мінская вобласць прапануе ў стратэгіі па развіцці Любанскага раёна”, – сказаў Снапкоў, перадае БелТА.

Першы віцэ-прэм’ер дадаў, што ААТ “Нетры Нежын” ужо заклала 18 га пладовага саду, а вясной наступнага года плануе пасадзіць яшчэ 25 га. У далейшым на месцы цяперашняга будаўнічага гарадка збіраюцца пабудаваць цяпліцы для вырошчвання агародніны, ягад і кветак закрытага грунту.

Аляксандр Лукашэнка сёння адзначыў, што першая і другая чэргі Нежынскага ГАК не былі ўведзены ў тэрмін, ёсць пытанні да якасці выкананых работ. Прадпрыемства не выйшла на вытворчыя магутнасці, якія былі абяцаны яму падчас леташняга візіту.