СК пачаў спецвытворчасць па абвінавачаннях у махлярстве і рабаўніцтве

Следчы камітэт абвясціў пра пачатак спецыяльнай вытворчасці ў дачыненні да Алега Хараўца.

Як паведамілі ў СК, Алег Харавец павінен з’явіцца ва ўпраўленне Следчага камітэта па Гомельскай вобласці.

У паведамленні камітэта гаворыцца, што спецвытворчасць вядзецца па двух артыкулах КК:

• ч.ч. 3, 4 арт. 209 — махлярства, учыненае ў буйным памеры арганізаванай групай асоб,
• ч. 4 арт. 206 — рабаўніцтва, учыненае арганізаванай групай або ў асабліва буйным памеры.

Падрабязнасці справы не агалошваюцца.

Нагадаем, спецвытворчасць дазваляе сілавікам ажыццяўляць крымінальны пераслед асоб, якія знаходзяцца па-за межамі Беларусі. У далейшым суды таксама разглядаюць такія справы завочна.