Сярод «памілаваных» Лукашэнкам няма палякаў — МЗС Польшчы

Рэдакцыя Reform.news · 30 снежня 2025, 18:50

https://reform.news/be/sjarod-pamilavanyh-lukashjenkam-njama-paljaka-mzs-polshchy/

Сярод 22 чалавек, «памілаваных» сёння Аляксандрам Лукашэнкам, няма грамадзян Польшчы, заявіў прэс-сакратар польскага МЗС Мацей Вевюр у каментарыі Polskie Radio.

«На жаль, не. Няма ніякай інфармацыі, што сярод гэтых 22 асобаў быў які-небудзь грамадзянін Польшчы або паляк», — заявіў Вевюр.

Нагадаем, сёння Лукашэнка падпісаў указ аб памілаванні 22 чалавек. Сярод іх — 20 асуджаных за «злачынствы экстрэмісцкай накіраванасці». Сярод памілаваных 15 жанчын і 7 мужчын, у 11 чалавек ёсць непаўнагадовыя дзеці.