Сярэдні заробак бюджэтнікаў знізіўся ў студзені на 167,7 рубля

Сярэдні намінальны налічаны заробак бюджэтнікаў у студзені склаў 2172,6 рубля да выплаты падаткаў. Ён скараціўся ў параўнанні са снежнем на 7,2%, або на 167,7 рубля, але пры гэтым застаўся вышэйшым, чым у лістападзе. З 1 студзеня ў краіне вырасла базавая стаўка, да якой прывязаныя заробкі бюджэтнікаў.

Рэальны сярэдні заробак у студзені ў бюджэтным сектары вырас на 9,8%. Такія дадзеныя апублікаваў Белстат.

У студзені суадносіны заробку ў бюджэтных арганізацыях і сярэдняга па краіне склалі 78,8%.

Студзеньскі сярэдні заробак у бюджэтнікаў склаў:

• у дзяржаўным кіраванні – 3109,1 рубля (-828,9 рубля да папярэдняга месяца),
• у настаўнікаў – 2695,4 рубля (+45,4 рубля),
• у выхавальнікаў дашкольнай адукацыі – 1846,3 рубля (-37,9 рубля),
• у прафесарска-выкладчыцкага складу – 3232,8 рубля (-403,3 рубля),
• ва ўрачоў – 4210,3 рубля (-261,8 рубля),
• у сярэдняга медыцынскага персаналу – 2298 рублёў (-145,8 рубля).