Сярэдні заробак бюджэтнікаў перавысіў 2400 рублёў

Сярэдні намінальны налічаны заробак бюджэтнікаў Беларусі ў маі склаў 2402,2 рубля да выплаты падаткаў. Ён вырас у параўнанні з красавіком на 2,9%, або на 66,8 рубля.

Рэальны сярэдні заробак у студзені — маі ў бюджэтным сектары павялічыўся на 10,1%. Такія даныя апублікаваў Белстат.

У красавіку суадносіны заробку ў бюджэтных арганізацыях і сярэдняга па краіне склалі 80%.

Красавіцкі сярэдні заробак у бюджэтнікаў склаў:

• у дзяржаўным кіраванні — 3832 рублі (-172,2 рубля да папярэдняга месяца),
• у настаўнікаў — 2995,2 рубля (+187,5 рубля),
• у выхавальнікаў дашкольнай адукацыі — 2045,1 рубля (+121,1 рубля),
• у прафесарска-выкладчыцкага складу — 3354,7 рубля (+42,2 рубля),
• ва ўрачоў — 4433,4 рубля (+51,1 рубля),
• у сярэдняга медыцынскага персаналу — 2419,8 рубля (+70,8 рубля).