Шматдзетная маці здзейсніла парасуіцыд на вачах у дзяцей. Іх забралі з сям’і

Рэдакцыя Reform.news · 24 снежня 2025, 11:28

https://reform.news/be/shmatdzetnaja-maci-zdzejsnila-parasuicyd-na-vachah-u-dzjacej-ih-zabrali-z-sjam-i/

У Магілёўскай вобласці шматдзетная маці падчас канфлікту з дзецьмі здзейсніла парасуіцыд. Пасля праверкі пракурора пецярых дзяцей забралі з сям’і, паведамляе пракуратура Магілёўскай вобласці.

У 2024 годзе дзяцей прызналі такімі, што знаходзяцца ў сацыяльна небяспечным становішчы, з-за незабеспячэння іх асноўных жыццёвых патрэбаў і амаральнага ладу жыцця сажыцеля іх маці.

Мужчыну накіравалі ў ЛПП, а маці пачала ўжываць алкаголь. Жанчына нідзе не працавала. Даход сям’і складаў каля 300 рублёў у месяц, чаго не хапала на ўтрыманне дзяцей. Жанчына не звярталася ў цэнтр сацыяльнага абслугоўвання па матэрыяльную дапамогу, не наведвала ўрача-нарколага і не пагашала запазычанасць за жыллёва-камунальныя паслугі.

На глебе ўжывання алкаголю ў маці адбыўся канфлікт з дзецьмі. У іх прысутнасці яна здзейсніла парасуіцыд.

Па прадпісанні пракурора Магілёўскага раёна камісія па справах непаўналетніх забрала пецярых дзяцей з сям’і.