Сацсеткі Севярынца і Вячоркі трапілі ў спіс экстрэмісцкіх матэрыялаў

Міністэрства інфармацыі абнавіла свой спіс экстрэмісцкіх матэрыялаў. У яго ўнесены акаўнты ў сацыяльных сетках некалькіх вядомых беларусаў: палітыкаў, актывістаў і журналістаў.

Паводле рашэння суда Глускага раёна ад 4 сакавіка ў спіс уключана старонка ў Facebook Паўла Севярынца. Той жа суд 2 сакавіка прызнаў экстрэмісцкай інфармацыйную прадукцыю старонкі ў Facebook Франака Вячоркі.

Таксама ў спіс трапілі:

• акаўнты ў Threads Paúliuk Horbač, “Беларусь Факты”,
• акаўнты ў Facebook “Сяргей Спарыш”, Siarhei Pelesa, “Израиль за Свободную Беларусь • инфоцентр”, “Gobelarus”, “Bielorussi di Roma/ Belarusians in Rome”, “Беларуская Нацыянальная Прэмія”,
• акаўнты ў Instagram “theothersby”, “vladimirshantsev”,
• відэа ў YouTube “Александр Лукашенко _ 30 Лет у Власти. Итоги”,
• сайт hetabaza.org і яго рэсурсы ў сацсетках і мэсэнджарах,
• група ў “Одноклассниках” “БЕЛАРУСЬ БЕЗ ТАРАКАНА…!”.