Саўмін працягнуў льготныя крэдыты спажыўкааперацыі на год

Савет міністраў забяспечыў фінансаванне спажыўкааперацыі Мінскай і Віцебскай абласцей за кошт льготных крэдытаў да канца 2027 года. Сёння на Нацыянальным прававым інтэрнэт-партале апублікавана пастанова ўрада №220 ад 4 мая.

Першапачаткова схема ўрада прадугледжвала, што Мінфін размесціць сродкі ва ўклады ў “Белаграпрамбанку” і “Беларусбанку” пад 1,5% гадавых да канца 2026 года. У сваю чаргу гэтыя банкі прадаставяць арганізацыям спажыўкааперацыі крэдыты пад 3% гадавых.

Цяпер размяшчэнне сродкаў Мінфіна ў двух банках працягнута да канца 2027 года. Арганізацыі спажыўкааперацыі атрымаюць крэдыты для фінансавання бягучай дзейнасці ў межах сум вяртання раней выдадзеных пазык. Агульная сума такіх крэдытаў складзе 65,83 млн рублёў. Іх атрымальнікамі будуць:

• Віцебскае абласное спажывецкае таварыства,
• Віцебская гарадская нарыхтоўчая кантора,
• Полацкая гарадская нарыхтоўчая кантора,
• Полацкі рынак г. Полацка,
• Бярэзінскае раённае спажывецкае таварыства,
• Мінскае раённае спажывецкае таварыства,
• Стаўбцоўскае раённае спажывецкае таварыства.