РФ ужыла па Украіне падчас начнога налёту 729 дронаў і ракет

РФ ужыла па Украіне падчас сённяшняга начнога масіраванага ўдару 729 сродкаў паражэння. Пра гэта паведамілі Паветраныя сілы УСУ.

Усяго былі выпушчаны:

• 656 ударных беспілотнікаў і дронаў-імітараў,
• 8 ракет «Цыркон»,
• 33 балістычныя ракеты «Іскандэр-М»,
• 27 крылатых ракет Х-101,
• 5 крылатых ракет «Калібр».

Украінская СПА здолела збіць або падавіць 642 цэлі, у тым ліку:

• 602 беспілотнікі,
• 11 ракет «Іскандэр-М»,
• 26 ракет Х-101,
• 3 ракеты «Калібр».

Зафіксаваны траплянні ў 38 лакацыях, а таксама падзенне абломкаў у 15 месцах.

Ёсць загінулыя і параненыя ў Кіеве, Харкаве, Дняпры і іншых гарадах і населеных пунктах.