Ратавальнікі выцягнулі са снегу турыстычны аўтобус у Карэліцкім раёне

Рэдакцыя Reform.news · 9 студзеня 2026, 09:46

https://reform.news/be/ratavalniki-vycjagnuli-sa-snegu-turystychny-a-tobus-u-karjelickim-rajone/

МНС падвяло прамежкавыя вынікі работы па ліквідацыі наступстваў непагадзі. З учорашняга дня ў Беларусі пануе снежны цыклон.

Як паведамілі ў МНС, ратавальнікі ўжо аказалі дапамогу ў выцягванні са снежных заносаў і буксіроўцы больш як 100 транспартных сродкаў, у тым ліку аўтамабіляў хуткай дапамогі, аўтобусаў, легкавых аўтамабіляў і грузавікоў.

“У Карэліцкім раёне каля вёскі Азёрскае ў снезе затрымаўся турыстычны аўтобус, у салоне якога знаходзіліся 48 чалавек, з іх 6 — дзеці. Ніхто не пацярпеў, пасля буксіроўкі аўтобус працягнуў рух па маршруце”, — гаворыцца ў паведамленні МНС.

У Слаўгарадскім і Бешанковіцкім раёнах ратавальнікі прыбіралі дрэвы, якія перагарадзілі дарогі.