Фото: ГСЧС Украины
Расія здзейсніла чарговую масіраваную атаку на Кіеў. Паветраная трывога ва ўкраінскай сталіцы працягвалася 11 гадзін.
Як паведамілі ў гарадской адміністрацыі, пашкоджанні і разбурэнні зафіксаваныя больш чым у 30 лакацыях. Былі часткова або поўнасцю разбураныя шматкватэрныя жылыя дамы. Вядуцца аварыйна-выратавальныя работы.
Пацверджана гібель 9 чалавек, 34 чалавекі атрымалі раненні. Колькасць загінулых можа вырасці.
Трапленні таксама зафіксаваныя ў Кіеўскай вобласці.
Польшча падчас налёту падымала ў паветра знішчальнікі і павышала гатоўнасць СПА.