Праграма ArtPower Belarus адкрыла новае кола грантавага конкурсу па трэку «Арганізацыйнае развіццё»
Reform.news · 17 сакавіка 2026, 16:40
https://reform.news/be/pragrama-artpower-belarus-adkryla-novae-kola-grantavaga-konkursu-pa-trjeku-arganizacyjnae-razviccjo/Праграма грантавай падтрымкі ArtPower Belarus абвяшчае запуск чарговага конкурснага кола па Трэку 1. Арганізацыйнае развіццё.
Падача заявак стартуе 17 сакавіка 2026 года і будзе доўжыцца да 12 мая 2026 года (23:59 па мінскім часе).
Вынікі будуць абвешчаны не пазней за 10 ліпеня 2026.
Асноўная мэта Трэка 1 — умацаванне патэнцыялу культурніцкіх арганізацый дзеля развіцця інфраструктуры незалежнай беларускай культуры.
Прыярытэт надаецца праектам, якія:
- развіваюць інфраструктурныя або сэрвісныя культурніцкія арганізацыі (хабы, галерэі, арт-рэзідэнцыі, прадюсарскія цэнтры, медыярэсурсы, адукацыйныя цэнтры, студыі і інш.);
- спрыяюць адукацыі, сеткаванню і міжсектаральнаму супрацоўніцтву;
- падтрымліваюць культурніцкую дзейнасць у Беларусі або ўмацоўваюць сувязі паміж культурнымі дзеячамі і аўдыторыяй у Беларусі і дыяспары;
- маюць выключнае значэнне для развіцця беларускай культуры.
Падтрымка ў межах трэка можа ўключаць:
- укараненне арганізацыйных змяненняў (працэдуры, унутраныя палітыкі, партнёрствы, бяспека);
- распрацоўку камунікацыйных інструментаў (сайты, сацыяльныя сеткі, публічныя матэрыялы);
- павышэнне кампетэнцый каманды, валанцёраў і ўдзельнікаў;
- стратэгічныя сесіі, ментарскія праграмы і стажыроўкі;
- набыццё абсталявання, арэнду памяшканняў, правядзенне аўдытаў;
- асноўнае інстытуцыйнае падтрыманне дзейнасці арганізацыі.
Пры гэтым у межах Трэка 1 не падтрымліваюцца творчыя праекты (канцэрты, фільмы, выставы), калі яны не звязаныя з развіццём самой арганізацыі і з’яўляюцца часткай праекта.
Падавацца могуць:
- зарэгістраваныя арганізацыі,
- незарэгістраваныя ініцыятывы з фіскальным партнёрам.
Для падачы заяўкі па гэтым трэку заяўнікі павінны запоўніць і далучыць дакумент «Ацэнка і план арганізацыйнага развіцця».
Таксама 24 сакавіка а 18:30 па Мінску (16:30 Варшава / 17:30 Вільня) пройдзе адкрытая інфасесія ў Zoom пра мэты трэка, прыярытэты падачы і ментарскую падтрымку. Рэгістрацыя адкрытая да 24 сакавіка, 10:00 (Мінск).
Як падацца і дадатковая інфармацыя тут.
Падпісвайцеся на культурныя навіны Reform.news у Telegram