Польшча падоўжыла абмежаванні ў паветранай прасторы каля мяжы з Беларуссю

Рэдакцыя Reform.news · 4 верасня 2026, 07:34

https://reform.news/be/polshcha-pado-zhyla-abmezhavanni-pavetranaj-prastory-kalja-mjazhy-z-belarussju/

Польшча падоўжыла абмежаванні ў паветранай прасторы каля мяжы з Беларуссю і Украінай. Як паведамілі ў Аператыўным камандаванні відаў Узброеных сіл Польшчы, новае распараджэнне набудзе моц 10 верасня і будзе дзейнічаць да 9 снежня.

У паласе ўздоўж мяжы Польшчы на вышыні да 3 км дзейнічае поўная забарона на палёты ў цёмны час сутак. Выключэнне дзейнічае для ваенных самалётаў. У светлы час сутак выключэнняў будзе больш.

Падобныя абмежаванні дзейнічаюць ужо дастаткова даўно. Новае паведамленне змяшчае толькі нязначнае змяненне межаў забароненай зоны ў яе паўночнай частцы.

Абмежаванне не закранае пасажырскія рэйсы, якія лётаюць на большай вышыні.