Першая беларуская анлайн-школа абвясціла новы набор вучняў

Фота: сацсеткі Анастасіі Шпакоўская.

Ужо шосты год запар Першая беларуская анлайн-школа прапаноўвае для сем’яў, якія апынуліся ў эміграцыі, школу з беларускім напрамкам. Незалежная адукацыйныя інстытуцыя афіцыйна адкрыла прыём заявак на 2026/27 навучальны год.

Заснаваная ў 2020 годзе беларускай акторкай і музыкантам Анастасіяй Шпакоўскай, анлайн-школа за гэты час дапамагла 292 дзецям.

“За час працы мы здзейснілі ўжо шэсць выпускаў навучэнцаў, агулам выдалі 73 атэстаты аб базавай адукацыі і 29 аб сярэдняй дзяржаўнага ўзору Украіны”, – адзначае каманда інстытуцыі.

Геаграфія вучняў прадстаўнічая: у школе займаюцца дзеці з 12 краін, уключаючы Польшчу, Літву, Грузію, Іспанію і нават Японію ды ААЭ. Для многіх з іх гэта адзіны спосаб захаваць сувязь з беларускай культурай, знаходзячыся за тысячы кіламетраў ад дому.

Чым гэтая школа адрозніваецца ад іншых?

Асноўны прынцып установы — паўнавартасны навучальны працэс, а не проста факультатывы.

Залічэнне ідзе ў 4-10 класы з наступным заканчэннем 11 класаў уключна (залічыць толькі ў 11 клас арганізатары школы не могуць з-за патрабаванняў украінскага заканадаўства).
Анлайн-навучанне адбываецца 5 дзён у тыдзень па 4-5 урокаў у дзень.
У кожным класе — невялікая колькасць вучняў (ад 3 да 7-8 дзяцей), што можа лічыць практычна як індывідуальнае рэпетытарства, якое дазваляе дзецям лепш засвойваць матэрыял.
Наяўнасць хатняга задання для замацавання пройдзенага матэрыялу.
Урокі праходзяць на базе беларускай вучэбнай праграмы на расійскай і беларускай мовах. Прадмет украінскай мовы і літаратуры выкладаецца на ўкраінскай мове, але ў дзетак няма абсалютна ніякай праблемы з камунікацыяй з настаўнікам.
Адсутнасць усялякай ідэалогіі або прапаганды — у школе дзяцей вучаць узаемапавазе, суперажыванню і падтрымцы.

Школа з’яўляецца некамерцыйнай арганізацыяй. Многія беларускія сем’і ў эміграцыі сутыкаюцца з фінансавымі цяжкасцямі, таму школа актыўна шукае падтрымкі, каб мець магчымасць вучыць дзяцей незалежна ад дабрабыту іх бацькоў.

“Я ганаруся тым, што наша каманда працягвае працаваць і верыць у будучыню нашых дзяцей, – заўважае Анастасія Шпакоўская. – Я ганаруся тым, што мы маем мажлівасць захаваць невялікія кошты за навучанне і даваць нашым вучням якасную адукацыю. Мы пачынаем новы набор вучняў на наступны навучальны год, і будзем рады, калі ўсе дзеці, якім патрэбна дапамога ў атэстацыі і навучанні, прыйдуць да нас”.

Пазнаёміцца з адукацыйным працэсам школы можна тут.

Падтрымаць ініцыятыву тут.