Перабоі ў працы транспарту назіраюцца ў Мінску праз падтапленні

Рэдакцыя Reform.news · 8 мая 2026, 13:53

https://reform.news/be/peraboi-pracy-transpartu-nazirajucca-minsku-praz-padtaplenni/

Моцны дождж зноў прывёў да падтапленняў у Мінску. Парушана праца грамадскага транспарту.

Як паведамілі ў “Мінсктрансе”, падтапленні фіксаваліся на вуліцах Гарэцкага, Мазурава, Гурскага, Лынькова, Лабанка, Шаранговіча, Якубоўскага, Камайскай, Люцынскай, Якуба Коласа. Была парушана праца аўтобусных, тралейбусных і трамвайных маршрутаў.

Нагадаем, сёння і заўтра ў Беларусі дзейнічае аранжавы ўзровень пагоднай небяспекі. Ён абвешчаны ў тым ліку праз моцныя дажджы.