У вёсцы Чкалава Гомельскага раёна ў чацвер адбыўся пажар. Як паведамілі ў МНС, ратавальнікаў выклікалі на месца ў 15:03.
Агонь знішчыў чатыры гаспадарчыя пабудовы, пашкодзіў тры жылыя дамы і яшчэ адну гаспадарчую пабудову.
Пры самастойным тушэнні пажару апёкі атрымала гаспадыня аднаго з домаўладанняў. Пасля аказання медыцынскай дапамогі ад шпіталізацыі яна адмовілася.
Прычына пажару ўстанаўліваецца.