Пасля сустрэчы «сам-насам» Лукашэнка і Пуцін правядуць перамовы ў пашыраным складзе

Рэдакцыя Reform.news · 27 чэрвеня 2026, 12:31

https://reform.news/be/paslja-sustrjechy-sam-nasam-lukashjenka-i-pucin-pravjaduc-peramovy-pashyranym-skladze/

Рабочы візіт Аляксандра Лукашэнкі ў Расію працягваецца. Пра гэта паведаміла РИА «Новости» яго прэс-сакратар Наталля Эйсмант. Паводле яе слоў, перамовы з Уладзімірам Пуціным сёння запланаваныя «і нават у пашыраным складзе».

Напярэдадні Лукашэнка і Пуцін правялі сустрэчу на Валдаі ў фармаце «сам-насам». У парадку дня перамоў былі актуальныя пытанні беларуска-расійскага ўзаемадзеяння ў розных сферах, рэалізацыя сумесных праектаў, а таксама міжнародная тэматыка і сітуацыя ў рэгіёне.