Пасажырка аўтобуса спрабавала ўвезці ў Беларусь яшчарак-бананаедаў

Рэдакцыя Reform.news · 29 верасня 2026, 15:29

https://reform.news/be/pasazhyrka-a-tobusa-sprabavala-vezci-belarus-jashcharak-bananaeda/

Брэсцкія мытнікі спынілі незаконны ўвоз яшчарак з Польшчы ў Беларусь. Рэптылій перадалі Мінскаму заапарку, паведамляе ДМК.

Яшчарак выявілі ў пункце пропуску «Брэст». 44-гадовая пасажырка аўтобуса пры праходжанні мытні выбрала зялёны калідор. Яе багаж праверылі на рэнтгене і знайшлі падазроныя пенапластавыя каробкі.

У пяці каробках знаходзіліся пяць яшчарак — раснічастых бананаедаў. Іх канфіскавалі і перадалі Мінскаму заапарку. У дачыненні да жанчыны распачаты адміністрацыйны працэс у адпаведнасці з ч. 2 арт. 15.1 КаАП («Перамяшчэнне тавараў праз мяжу са ўтойваннем ад мытнага кантролю»).