Валентина Наумова. Фото: "Вясна"
Палітзняволенай з Гродна Валянціне Навумавай, арыштаванай восенню 2025 года, 27 лютага прад’явілі абвінавачанні паводле новых артыкулаў Крымінальнага кодэкса.
Як стала вядома «Гарадзенскай праваабароне», цяпер ёй інкрымінуюць саўдзел у злачынстве, распальванне сацыяльнай варожасці групай асоб, садзейнічанне экстрэмісцкай дзейнасці, у тым ліку паўторнае, а таксама паклёп у дачыненні да Лукашэнкі.
Валянціна Навумава была затрыманая 5 верасня 2025 года. Першапачаткова ёй прад’явілі абвінавачанне толькі паводле артыкула аб паклёпе ў дачыненні да Аляксандра Лукашэнкі.
Навумава была членам партыі левых “Справядлівы свет”. У 2017 годзе яе аштрафавалі па адміністрацыйнай справе за ўдзел у акцыі “нетунеядцаў” на 15 базавых велічынь.