“Белэнерга” будзе ўдзельнікам аб’яднанага рынку электраэнергіі СД

Савет міністраў прыняў пастанову аб рэалізацыі Дагавора паміж Беларуссю і Расіяй аб фарміраванні аб’яднанага рынку электрычнай энергіі Саюзнай дзяржавы. У адпаведнасці з ім асноўныя функцыі ўскладзены на “Белэнерга”.

Як паведамілі ў прэс-службе ўрада, аб’яднанне будзе:

• арганізацыяй, якая аказвае паслугі па перадачы электрычнай энергіі па тэрыторыі Беларусі (сеткавым аператарам),
• арганізацыяй, якая аказвае паслугі па аператыўна-дыспетчарскім кіраванні электраэнергетычнай сістэмай краіны (сістэмным аператарам),
• удзельнікам аб’яднанага рынку электрычнай энергіі Саюзнай дзяржавы, які ажыццяўляе куплю-продаж электрычнай энергіі.

Адзначаецца, што “Белэнерга” будзе з’яўляцца ўдзельнікам рынку электраэнергіі як да стварэння ўнутранага аптовога рынку ў Беларусі, так і пры створаным аптовым рынку.