Новы пасол Швейцарыі прыбыў у Беларусь

Рэдакцыя Reform.news · 10 верасня 2026, 17:00

https://reform.news/be/novy-pasol-shvejcaryi-pryby-u-belarus/

У Беларусь прыбыў новы пасол Швейцарыі — Штэфан Эстэрман.

«Нас з маёй жонкай вельмі цёпла прынялі, і мы адразу адчулі сябе тут як дома. Я з нецярпеннем чакаю пачатку сваёй новай працы, цікавых знаёмстваў і зносін», — заявіў Эстэрман у відэа, апублікаваным пасольствам.

Штэфан Эстэрман працуе ў Федэральным дэпартаменце замежных спраў Швейцарыі з 1996 года. Ён працаваў ва Украіне, Расіі, быў паслом у Харватыі і Грэцыі. Валодае нямецкай, французскай, англійскай, чэшскай і рускай мовамі.