На зімовую Алімпіяду паедуць 5 беларускіх спартсменаў

Нацыянальны алімпійскі камітэт Беларусі зацвердзіў склад беларускай каманды на зімовую Алімпіяду 2026 у Мілане і Карціна-Д’Ампецца.

У каманду ўвайшлі пяць спартсменак у пяці дысцыплінах:

• Марыя Шканава (гарналыжны спорт),
• Марына Зуева (канькабежны спорт),
• Ганна Каралёва (лыжныя гонкі),
• Вікторыя Сафонава (фігурнае катанне),
• Ганна Гуськова (фрыстайл).

Склад дэлегацыі можа быць павялічаны за кошт пераразмеркавання квот у фрыстайле.

Нагадаем, беларускія спартсмены дапускаюцца да ўдзелу ў Алімпійскіх гульнях як нейтральныя індывідуальныя спартсмены пад нейтральным сцягам і гімнам. Нейтральныя спартсмены не будуць удзельнічаць у парадзе дэлегацый і каманд на цырымоніі адкрыцця. Да Алімпіяды не будуць дапушчаныя спартсмены і персанал, якія актыўна падтрымліваюць вайну або знаходзяцца на кантракце ў узброеных сілах Беларусі ці Расіі, нацыянальных структурах бяспекі.