На волю выйшла палітвязня, ілюстратарка з Брэста Наталля Левая, паведамляе праект “Ружовыя касынкі”. Яна знаходзіцца на апошніх тэрмінах цяжарнасці.
Наталля некаторы час жыла ў Польшчы, працавала 2D-мастачкай і мастачкай-пастаноўшчыцай, але ў снежні 2023 года вырашыла вярнуцца ў Беларусь. На мяжы яе затрымалі. Даныя пра ахвяраванні маглі быць атрыманы праз банкаўскія аперацыі, перапіску, праграмы для крыптавалют або тэлефон.
17 ліпеня 2024 года Брэсцкі абласны суд прыгаварыў яе да 6 гадоў калоніі агульнага рэжыму і штрафу ў 40 тысяч рублёў. Наталлю прызналі вінаватай па наступных артыкулах крымінальнага кодэкса: ч. 2 арт. 361-1 (фінансаванне экстрэмісцкай дзейнасці), ч. 2 арт. 361-3 (фінансаванне ўдзелу на тэрыторыі замежнай дзяржавы ў ваенных дзеяннях) і арт. 361-2 (фінансаванне дзейнасці экстрэмісцкага фармавання (арт. страціў сілу ў 2021-м).
У красавіку 2025 года АНТ паказала прапагандысцкі сюжэт пра затрыманні за ахвяраванні, у тым ліку Наталлі.
У студзені 2026 года стала вядома, што Наталля зацяжарыла ў калоніі пасля спаткання з мужам, роды чакаюцца ў сакавіку.
