МЗС пацвердзіў гібель грамадзян Беларусі ў аварыі з аўтобусам у Грузіі

Рэдакцыя Reform.news · 13 жніўня 2026, 08:59

https://reform.news/be/mzs-pacverdzi-gibel-gramadzjan-belarusi-avaryi-z-a-tobusam-u-gruzii/

Міністэрства замежных спраў Беларусі пацвердзіла гібель чатырох грамадзян Беларусі ў ДТЗ з мікрааўтобусам у Грузіі.

Паводле даных МЗС, у аўтобусе знаходзіліся 19 грамадзян Беларусі. Чатыры чалавекі загінулі, 15 атрымалі раненні, сярод пацярпелых шасцёра непаўналетніх.

“Паводле прадстаўленай МУС Грузіі інфармацыі, кіроўца мікрааўтобуса не забяспечыў бяспечнае кіраванне транспартным сродкам, у выніку чаго мікрааўтобус з’ехаў з дарогі і ўпаў у цясніну”, – праінфармавалі ў МЗС, перадае БелТА.

Аварыя адбылася ўвечары 12 жніўня на дарозе з Гомісмта.

Чатыры чалавекі дастаўлены ў бальніцы гарадоў Азургеті і Чахатуры. Адзінаццаць чалавек – у Рэспубліканскую бальніцу Батумі. Двое знаходзяцца ў рэанімацыі. Паводле інфармацыі галоўнага ўрача, іх стану нічога не пагражае.

“Пасольства Беларусі ў Грузіі аказвае ўсё неабходнае консульскае садзейнічанне. Консул Беларусі ў Грузіі ўжо выехала на месца здарэння”, – адзначылі ў МЗС.